अर्घाखाँची,वैशाख १७
अर्घाखाँचीको भूमिकास्थान नगरपालिकामा आगलागीमा परि एक बालिकाको ज्यान गएको छ ।
भूमिकास्थान–५ असुरकोटको कुडेपानीमा रहेको खिमबहादुर विकको घरमा आगलागी हुँदा घरभित्र रहेकी चार वर्षीया नातिनी अप्सराको ज्यान गएको जिल्ला प्रहरी कार्यालय अर्घाखाँचीका प्रहरी नायब उपरीक्षक प्रतितसिंह राठोरले जानकारी दिनुभयो ।
घरका मानिस घरबाहिर गएको समयमा आगलागी भएकाले घरभित्र रहेकी बालिकाकाे जलेर मृत्यु भएकाे हाे ।
१६ बैशाख २०८१, सोमबार ०७:०६ मा प्रकाशित
