काठमाडौँ, साउन २ गते ।
प्रधानमन्त्री ओलीले आफूलाई बधाई तथा
शुभकामना दिन चाहनेले डिजिटल माध्यमबाट दिन अनुरोध गर्नुभएको छ । उहाँले आज
सामाजिक सञ्जाल फेसबुकमार्फत समयको बचतका लागि त्यसो गर्न अनुरोध गर्नुभएको हो ।
“विभिन्न माध्यमबाट शुभकामना र
बधाईका सन्देश आइरहेका छन्, प्रत्यक्ष
भेटेर भन्दा डिजिटल माध्यमबाट शुभकामना, बधाई दिँदा साथीहरूको समयको पनि बचत
हुन्छ, शुभेच्छुक
सबैलाई सकेसम्म म्यासेञ्जरबाट सन्देश पठाउन र भेटमा पनि खादामाला प्रयोग नगर्न
अनुरोध गर्छु”, प्रधानमन्त्री
ओलीले सामाजिक सञ्जालमार्फत उल्लेख गर्नुभएको छ । ओली गत असार ३० गते प्रधानमन्त्रीमा
नियुक्त हुनुभएको हो ।
१ साउन २०८१, बुधबार ०९:४९ मा प्रकाशित
