इलाम , चैत २४
इलाम २ को उपनिर्वाचनका लागि राष्ट्रिय स्वतन्त्र पार्टीका उम्मेदवार
मिलन लिम्बुले पनि मनोनयनपत्र दर्ता गराएका छन् ।
रास्वपाका उपसभापति श्रम, रोजगार
तथा सामाजिक सुरक्षामन्त्री डोलप्रसाद अर्याल, सहमहामन्त्री
कविन्द्र बुर्लाकोटी सहितको टोलीसँग मुख्य निर्वाचन अधिकृतको कार्यालय इलाममा
पुगेर लिम्बुले मनोनयन पत्र दर्ता गराएका हुन् ।
राष्ट्रिय प्रजातन्त्र पार्टीका लक्ष्मी गुरुङले पनि मनोनयन पत्र
दर्ता गराएका छन् ।
त्यस्तै स्वतन्त्र उम्मेदवार मनोज निरौला, स्वतन्त्र उम्मेद्वार डाकप्रसाद गौतम, नेपाल
रिपब्लिक नेशनल पार्टी (एनआरएन) का उम्मेदवार धनराज राना मगरको मनोनयन पनि दर्ता
भएको छ ।
नेकपा एमालेले सुहाङ नेम्बाङको उम्मेदवारी
दर्ता गराएको छ । सुहाङलाई उम्मेद्वारका रुपमा अघि
सारेकोमा माओवादीले पनि समर्थन गरेको छ।
अहिलेसम्म सिके राउत नेतृत्वको जनमत पार्टीका तर्फबाट प्रेमकुमार
थाम्सुहाङ, नेपाल मजदूर किसान पार्टीका श्यामकुमार दर्जी र
मंगोल नेशनल अर्गनाइजेसनका तर्फबाट मनिकुमार लिम्बूले उम्मेदवारी दर्ता गराएका
छन्।
नेपाली काङ्ग्रेस वाट डम्बर खड्काले उम्मेदवारी दर्ता गराएका छन् ।
उनि अघिल्लाे चुनावमा स्व. सुवाषचन्द्र नेम्बाङ सँग पराजित भएका थिए ।
संविधानसभा अध्यक्षसमेत रहेका सो
क्षेत्रका सांसद सुवाषचन्द्र नेम्बाङको निधन भएपछि इलाम २ मा उपनिर्वाचन हुन
लागेको हो ।
