काठमाडाैं , साउन १६
काठमाडौं महानगरपालिका-१७, ढल्कुमा छिमेकीबीच भएको झडपमा परी एक जनाको ज्यान गएकाे छ । ६ जना घाइते भएका छन्।
झडपका क्रममा धारिलो हतियार प्रहारबाट ढल्कु, पोडेटोल निवासी ३३ वर्षीय अनित पुजारीको मृत्यु भएको प्रहरीले जनाएकाे छ ।
यस्तै झडपमा परी ५२ वर्षीय सुविन्द्र पोडे, ५४ वर्षीय किरण पुजारी, ४९ वर्षीय दिनेश पुजारी, ४२ वर्षीया माया पुजारी, ३९ वर्षीय विक्रम पुजारी र २३ वर्षका अमृत पुजारी घाइते भएका छन्।
उनीहरूको शिक्षण अस्पताल महाराजगञ्ज, राष्ट्रिय ट्रमा सेन्टर र पिपुल्स अस्पतालमा उपचार भइरहेको छ।
१५ साउन २०८१, बुधबार ०९:४० मा प्रकाशित
