काठमाडौं- नेकपा (एमाले) का नेता महेश बस्नेतले नेपाल प्रहरीको साइबर ब्युरोमा पुगेर लिखित बयान दिएका छन् । एक महिलाले दिएको उजुरीको विषयमा आज ब्युरोको कार्यालय पुगेर बयान दिएका हुन् ।
उनले आज बिहान सवा ९ बजे कार्यालय पुगेर बयान दिएको सूचना अधिकारी एसपी दीपकराज अवस्थीले जानकारी दिए ।
उनीविरुद्ध एक महिलाले दुर्व्यवहार गरेको आरोपसहित उजुरी दिएकी थिइन् ।
उजुरी दिए फर्किएका बस्नेतले आजै पार्टी कार्यालयमा पत्रकार सम्मेलन गर्ने तयारी गरेका छन् ।
२१ असोज २०८२, बुधबार ११:२२ मा प्रकाशित
