पोखरा, चैत २५
गण्डकी प्रदेशको मुख्यमन्त्रीमा नेकपा
एमाले संसदीय दलका नेता खगराज अधिकारी नियुक्त भएका छन् । प्रदेश प्रखुम डिल्लीराज भट्टले
अधिकारीलाई मुख्यमन्त्री नियुक्त गरेका हुन् । अधिकारी गण्डकी प्रदेशको दोस्रो
कार्यकालका लागि मुख्यमन्त्री बनेका छन् ।
नेपालको संविधानको धारा १६८ को उपधारा
(२) बमोजिम अधिकारी मुख्यमन्त्री नियुक्त भएका हुन् ।
आइतबार बिहान नेपालको संविधानको धारा
१६८ को उपधारा (२) बमोजिम प्रदेशसभामा प्रतिनिधित्व गर्ने दुई वा दुईभन्दा बढी
दलहरूको समर्थनमा मुख्यमन्त्री नियुक्तिका लागि दाबी पेश भएको थियो ।
नेकपा एमालेका २२, नेकपा माओवादी केन्द्रबाट सभामुखको सहित ८ र नेकपा एकीकृत
समाजवादीका राजिव गुरुङ (दीपक मनाङे) हस्ताक्षरसहित दाबी पेश गरिएको हो ।
दिउँसो साढे ३ बजे मुख्यमन्त्रीले शपथ
लिने तय गरिएको प्रदेश प्रमुखको कार्यालयले जानकारी दिएको छ।
