काठमाण्डौ, फागुन ४
भारतको नयाँ दिल्ली रेलवे स्टेशनमा गए राति भएको भागदौडमा १७ जनाको मृत्यु भएको छ। जसमध्ये १० महिला र ३ बालबालिका छन्। २५ भन्दा बढी घाइते भएको लोक नायक जय प्रकाश अस्पतालले मृत्युको पुष्टि गरेको छ।
दुर्घटना प्लेटफर्म नम्बर १३, १४ र १५ को बीचमा भएको थियो। महाकुम्भ जानका लागि दिउँसो ४ बजेदेखि नै स्टेशनमा भीड जम्मा हुन थालेको थियो। राति करिब ८:३० बजे प्रयागराज जाने ३ वटा रेल ढिलो भयो जसका कारण भीड बढ्यो र भागदौड मच्चिएको थियो।
सुरुमा उत्तरी रेलवेका सीपीआरओ (प्रमुख जनसम्पर्क अधिकारी) ले भागदौड भएको कुरालाई अस्वीकार गरेका थिए। उनले यो केवल हल्ला मात्र भएको बताएका थिए।
तर दिल्लीका उपराज्यपाल वीके सक्सेनाले ट्वीट गर्दै मृत्युप्रति समवेदना व्यक्त गरेका छन्। त्यसको २० मिनेटपछि लोक नायक जय प्रकाश अस्पतालले १५ जनाको मृत्युको पुष्टि गर्यो। रेलमन्त्री अश्विनी वैष्णवले घटनाको छानबिन गर्न आदेश दिएका छन्।
