धनगढी ,वैशाख २६
कैलालीमा सुधारगृहमा राखिएका एक युवकको मृत्यु
भएको छ । घोडाघोडी नगरपालिका–४ भालुफाटामा रहेको नयाँ बाटो पुनर्स्थापना केन्द्र
(सुधारगृह)मा २५ वर्षीय सुनिल शाहीको मृत्यु भएको प्रहरीले जनाएको छ ।
सुधार केन्द्रमा बस्दै आएका शाहीले एक
तले भवनको छतबाट बुधबार राति हाम
फालेको इलाका प्रहरी कार्यालय सुखडका प्रमुख प्रहरी नायब उपरीक्षक (डीएसपी)
दिपेन्द्रकुमार पालले बताउनुभयो । त्यसबाट घाइते भएका शाहीको उपचारका क्रममा
घोडाघोडी अस्पतालमा उपचारका क्रममा मृत्यु भएको डीएसपी पालको भनाइ छ ।
शाहीको निधार, गर्धन, कम्मर र दुवै हातमा चोट
लागेको देखिएको छ । उनका
अभिभावकले भने मृत्यु शंकास्पद भएको भन्दै निष्पक्ष अनुसन्धान गर्न माग गरेका छन्
। घटनाबारे अनुसन्धान जारी
रहेको प्रहरीले बताएको छ ।
२५ बैशाख २०८१, बुधबार ०२:०० मा प्रकाशित
