काठमाण्डाै , चैत २८
उत्पादनतर्फ भएको पहिलो चरणको कोरियाली
भाषा परीक्षाकाे परीक्षाफल निस्कासन भएकाे छ ।
४० हजार ५८० जना सहभागी परीक्षार्थीहरू मध्ये यस परीक्षामा ६ हजार ३२१ जना परीक्षार्थीहरू उत्तीर्ण भएका हुन् । रोजगार अनुमति प्रणाली (इपिएस) शाखाका अनुसार पहिलो चरणको परीक्षामा ४० हजार ५८० जना सहभागी भएका थिए । परीक्षा गत फागुन ७ गते देखि चैत २४ गतेसम्म भएको थियो ।
पहिलो चरणको परीक्षामा उत्तीर्ण भएका
परीक्षार्थीहरूले सीप परीक्षणमा सहभागी हुनु पर्नेछ ।
सीप परीक्षण आगामी वर्षको वैशाख ९
देखि १५ गतेसम्म हुने शाखाले जनाएको छ।
उत्पादन क्षेत्रतर्फको दोस्रो चरणको
परीक्षा पनि वैशाखबाट हुनेछ ।
२७ चैत २०८०, बुधबार ०४:०० मा प्रकाशित
