काठमाडाैं, जेठ २२
प्रतिनिधि सभाको बैठक आज बस्दैछ ।
संघीय संसद् भवन नयाँ बानेश्वरमा बिहान ११ बजे बस्ने बैठकमा राजश्व र व्ययको
वार्षिक अनुमान (बजेट) माथि छलफल जारी रहनेछ।
आजको बैठकमा २०६४ सालको संविधान सभामा
ताप्लेजुङ निर्वाचन क्षेत्र नम्बर १ बाट निर्वाचित संविधान सभा सदस्य सूर्यमान
गुरूङको निधनप्रति शोक प्रस्ताव पारित गर्ने कार्यसूची रहेको छ। यसैगरी नेपाली
कांग्रेसबाट २०४८ सालको प्रतिनिधि सभा सदस्य निर्वाचनमा बाँके निर्वाचन क्षेत्र नम्बर १ बाट निर्वाचित शैयद मेहराज अहमद शाहको
निधनप्रति पनि शोक प्रस्ताव पारित गर्ने कार्यसूची रहेको छ।
यस्तै २०५८ सालमा नेपाली कांग्रेसका
तर्फबाट राष्ट्रिय सभा सदस्यमा निर्वाचित भएका खगेन्द्रराज रेग्मीको निधनप्रति शोक
प्रस्ताव पारित गर्ने कार्यसूची रहेको छ।
२१ जेठ २०८१, मङ्गलबार ०६:२९ मा प्रकाशित
