गुल्मी , असार १८
अविरल वर्षाले सडकमाथिबाट पहिरो खस्दा कालीगण्डकी करिडोर
अवरुद्ध भएको छ ।
बागलुङको जैमिनी नगरपालिका–५ माझबौरस्थित सडकमाथिबाट पहिरो खस्दा
करिडोर अवरुद्ध हुँदा मुक्तिनाथ जाने भारतीय पर्यटकसहित जैमिनीको छिस्ती, जैदी, अर्जेवा, बिनामारेलगायत स्थानबाट
जिल्ला सदरमुकाम बागलुङ बजार आउने सवारीसाधन ठप्प भएका छन् ।
जैमिनी नगरपालिकाका उपप्रमुख हरिहर शर्माले राष्ट्रिय गौरवको
सो आयोजनाले सडक खुलाउने प्रयास गरे पनि भारी वर्षाका कारण उपकरण सञ्चालन गर्न
नसकेको बताए ।
वर्षा नरोकिँदासम्म सडक खुलाउन नसकिने उनले जानकारी दिए । ‘अहिले
भारी वर्षा जारी रहेको हुँदा सडक खुलाउन सकिएको छैन, अहिले पनि सडकमाथिबाट लगातार
पहिरो खसिरहेको छ,’ उपप्रमुख शर्माले भने ।
करिडोरको बागलुङ नगरपालिका–१० दब्ल्याङमा पनि
पहिरोले सडक अवरुद्ध भएको छ । भारी वर्षाका कारण खुलाउन नसकिएको बागलुङ
नगरपालिकाका उपप्रमुख राजु खड्काले जानकारी दिए ।
