हुम्ला, पुस १३
हिमाली जिल्ला हुम्लासहित कर्णालीका उच्च जिल्लामा शुक्रबार
रातिदेखि हिमपात भइरहेको छ । शुक्रबार दिउँसो घाम नलागेर मौसममा आएको फेरबदल सँगै
हिमपात भएको हो ।
शनिबार बिहान सदरमुकाम सिमकोटमा हिउँ जमेको छ भने उत्तरी
नाम्खा गाउँपालिकामा दुई फिटसम्म हिउँ परेको बताइएको छ । हुम्लामा तेस्रो पटक
हिमपात हुँदा किसानलाई राहत मिलेको स्थानीय गौगोरा बोहराले बताए । यतिबेला परेको
हिउँले जेठासी बालीको उत्पादन राम्रो हुने हुम्लाका किसानको भनाइ छ ।
यस्तै सदरमुकाम सिमकोटसहित उत्तरी नाम्खा गाउँपालिकामा
जनजीवन प्रभावित बनाएको छ । शनिबार बिहान हिमपात भइरहेकाले यहाँका स्थानीय चिसोले
घर बाहिर निस्कन नसकेको बताइएको छ ।
१२ पुस २०८१, शनिवार ०८:४७ मा प्रकाशित
