काठमाडौं
, २० चैत
नेपाली
कांग्रेसको मंगलबार बसेको कार्यसम्पादन समिति बैठकले पनि उपनिर्वाचनको उम्मेदवार
टुंगो लगाउन सकेन । उपनिर्वाचनका
लागि उम्मेदवार छान्न बसेको नेपाली कांग्रेसको पदाधिकारी बैठक निष्कर्षविहीन बनेको
छ । पार्टी सभापति शेरबहादुर देउवा निवासमा
बसेको बैठक निष्कर्षविहीन बनेको प्रवक्ता प्रकाश शरण महतले बताए ।
भोलि ४ बजे बस्ने पदाधिकारी बैठकले
उम्मेदवारको अन्तिम टुंगो लगाउने महतले बताए । पार्टीभित्र धेरै उम्मेदवारहरू देखिएका छन् । सबैलाई मिलाएर निष्कर्षमा पुग्ने भएर आज निर्णय भएन । भोलि बस्ने
बैठकले उम्मेदवारको टुंगो लगाउने छ, उनले
भने ।
निर्वाचन आयोगले वैशाख १५ गते इलाम क्षेत्र नं
२ र बझाङ प्रदेशसभा १ तर्फ उपनिर्वाचन गर्दैछ । त्यसका लागि चैत २४ गते मनोनयन
गर्ने कार्यतालिका रहेको छ ।
१९ चैत २०८०, मङ्गलबार ०८:०० मा प्रकाशित
