काठमाण्डाै, भदाै २७
भारतीय कम्युनिस्ट पार्टी (मार्क्सवादी) का महासचिव
सीताराम येचुरीको निधन भएको छ ।
केही समयदेखि बिरामी रहेका ७२ वर्षीय येचुरीको नयाँ
दिल्लीको एम्स अस्पतालामा उपचारको क्रममा निधन भएको बीबीसी हिन्दीले जनाएको छ ।
उहाँलाई श्वासप्रश्वासको गम्भीर समस्या थियो ।
ज्वरो आएपछि अगस्ट १९ मा येचुरीलाई
एम्समा भर्ना गरिएको थियो । त्यसपछि उनलाई आईसीयूमा सारिएको थियो । येचुरीको मोतियाबिन्दुको पनि शल्यक्रिया गरिएको थियो ।
यचुरी नेपाल-भारत सम्बन्धका जानकार
नेतामध्ये एक थिए । उनले नेपालका विभिन्न कम्युनिष्ट पार्टीका महाधिवेशनमा अतिथिका
रुपमा सहभागिता जनाएका थिए ।
यचुरी
पछिल्लो ३२ वर्षदेखि सीपीएम पोलिटब्यूरो सदस्य थिए । उनी सन् २०१५ देखि पार्टीको
महासचिव भएका थिए। उनी संसदीय राजनीतितर्फ सन् २००५ देखि २०१७ सम्म भारतको
राज्यसभा सदस्य भएका थिए ।
येचुरीको
निधनप्रति भारतीय नेताहरुले दुःख व्यक्त गरेका छन् ।
