काठमाण्डाैँ , बैशाख ४
प्रधानमन्त्री पुष्पकमल दाहाल प्रचण्डले नेकपा एकीकृत समाजवादीका नेता तथा पूर्वप्रधानमन्त्री झलनाथ खनालसँग छलफल गरेका छन् । आज बिहान दुई नेता बीच वार्ता भएको थियो ।
दुई नेताबीच सुदूरपश्चिम
प्रदेशको मुख्यमन्त्रीको दाबीमा देखिएको समस्या मिलाउने विषयमा छलफल भएको हो ।
प्रधानमन्त्री निवास बालुवाटारमा भएको छलफलमा पछिल्लो राजनीतिक घटनाक्रम र समसामयिक
विषयवस्तुमा छलफल भएको थियो वर्तमान समीकरण र
सुदूरपश्चिमको मुख्यमन्त्री एकीकृत समाजवादीलाई दिने विषयमा सकारात्मक कुराकानी
भएको नेता खनालले बताए ।
एकीकृत समाजवादीले सुदूरपश्चिमको मुख्यमन्त्रीको पहिलो कार्यकाल
आफूहरूले नेतृत्व गर्न पाउनुपर्ने अडान राख्दै आएको थियो। तर,
प्रधानमन्त्री प्रचण्ड र नेकपा (एमाले)का अध्यक्ष केपी शर्मा ओलीले
नाउपालाई दिएपछि एकीकृत समाजवादी असन्तुष्ट बनेको हो ।
सोमबार सुदूरपश्चिमको मुख्यमन्त्रीमा नाउपाकै कैलाश चौधरी र
लक्ष्मणकिशोर चौधरीको दाबी परेका थियो । लक्ष्मणलाई नेपाली कांग्रेस,
एकीकृत समाजवादीको समर्थन छ भनेर कैलाशलाई नेकपा (एमाले), माओवादी केन्द्रलगायतको समर्थन छ ।
