चितवन, भदौ ८
तनहुँको आँबुखैरेनी बस दुर्घटनामा ज्यान
गुमाएका २७ भारतीय पर्यटकको शव भारत पठाइएको छ ।
भारतीय सेनाको जहाजले २५ वटा शव भरतपुर
विमानस्थलबाट गोरखपुर लगेको छ । चालक र सहचालक २ जनाको शव भने एम्बुलेन्सबाट
पठाइएको चितवनका प्रमुख जिल्ला अधिकारी इन्द्रदेव यादवले जानकारी दिए ।
शुक्रबार पोखराबाट काठमाडौंतर्फ जाँदै
गरेको भारतीय बस तनहुँको आँबुखैरेनी गाउँपालिका ऐनापहराबाट मर्स्याङ्दी किनारमा
खस्दा २७ जनाको मृत्यु भएको थियो भने १६ जना घाइते भएका थिए ।
घाइतेको काठमाडौंस्थित त्रिवि शिक्षण
अस्पतालमा उपचार भइरहेको छ । २७ जना मृतकको शव भने पोस्टमार्टमका लागि चितवनको
भरतपुर अस्पताल पठाइएको थियो ।
शनिबार भारत सरकारकी युवा तथा खेलकुद
राज्यमन्त्री रक्षा खड्सेले काठमाडौं आएर घाइतेहरुसँग भेट गरिन् । त्यसपछि भरतपुर
गई शव जिम्मा लिएर भारत लिएर गएकी हुन् ।
बस चालक र सहचालकको घर भने नेपाली
सीमाबाट नजिकै रहेकाले एम्बुलसेन्सबाट पठाइएको प्रमुख जिल्ला अधिकारीले बताए ।
