काठमाडौं, पुस १६
तराईका जिल्लाहरूमा आजदेखि शीतलहर सुरु भएको छ । मधेश प्रदेशको
पश्चिम भू–भाग तथा बागमती, गण्डकी, लुम्बिनी र सुदूरपश्चिम प्रदेशका
तराईका भू–भागमा आज बिहानैदेखि बाक्लो हुस्सुसँगै शीतलहर सुरु भएको हो ।
जल तथा मौसम विज्ञान विभाग, मौसम पूर्वानुमान महाशाखाका वरिष्ठ
मौसमविद् शान्ती कँडेलले यो क्रम केही दिनसम्म तराई क्षेत्रमा निरन्तर रहने बताईन्
।
तराई बाहेक देशका अन्य भू–भागमा मौसम सामान्यतया सफा अवस्थामा रहने
र अबको ३ दिनसम्म देशका कुनै पनि स्थानमा वर्षा र हिमपातको सम्भावना नरहेको पनि
वरिष्ठ मौसमविद् कँडेलको भनाई छ ।
यसैबीच, आज बढेको चिसोसँगै शीतलहर सुरु भएपछि
बारा, पर्सा, रौतहट, धनुषा, महोत्तरी, सिरहा, सप्तरीसहितका मध्य तथा पूर्वी तराईका
जिल्लाहरूमा जनजीवन प्रभावित भएको छ । यस्तै, जनकपुर क्षेत्रमा समेत आज बिहानदेखि
बाक्लो कुहिरो लागेका कारण चिसो बढेको छ ।
