बारा, भदाै २६
४०
वर्षीया आफ्नै श्रीमती लक्ष्मी राईको हत्या गरेको अभियोगमा प्रहरीले एक जनालाई
पक्राउ गरेको छ ।
निजगढ
नगरपालिका-९ भमरा टोल बस्ने ४५ वर्षीय विमल कुमार बस्नेतलाई मंगलबार बेलुकी
प्रहरीले पक्राउ गरेको हो ।
बिमलले घरायसी विवादको क्रममा खुर्पा
प्रहार गर्दा लक्ष्मी गम्भीर घाइते भएकी थिइन् । लक्ष्मीको नेशनल मेडिकल कलेज
वीरगन्जमा उपचारको क्रममा मृत्यु भएको थियो ।
साथै झगडा छुट्याउने क्रममा घाइते
भएकी उनकै छोरी १८ वर्षीया गंगा राईलाई थप उपचारको लागि त्रिवि शिक्षण अस्पताल
महाराजगन्ज काठमाडौँ रिफर गरिएको छ । उनकै छोरी १५ वर्षीया जमुना राईको नेशनल
मेडिकल कलेज वीरगन्जमा उपचार भइरहेको छ ।
२५ भदौ २०८१, बुधबार ०६:१० मा प्रकाशित
