विराटनगर, भदाै १२
विराटनगरमा निकालिएकाे राधाकृष्ण रथयात्रा समापन
भएको छ । विराटनगर महानगरपालिका–१ स्थित राधाकृष्ण मन्दिर परिसरबाट सुरु भएको
राधाकृष्णको युगल जोडीसहितको रथ यात्रा बजार क्षेत्रको करिब ८ किलोमिटर यात्रा तय
गरी पुन: मन्दिरमा पुगेर समापन भएको हो ।
रथयात्राका क्रममा चोरी र पकेटमारीमा
संलग्न तथा शंकास्पद गतिविधि गरेको आरोपमा १ सय ४३ जनालाई प्रहरीले नियन्त्रणमा
लिएको छ । प्रहरी नियन्त्रणमा रहेकामध्ये १० जना महिला छन् ।
मोरङ प्रहरीले उच्छृङ्खल र शंकास्पद
गतिविधि तथा चोरी र पकेटमारीमा संलग्नहरुलाई अनुसन्धानको दायरामा ल्याइएको जानकारी
दिए ।
विराटनगरको रथयात्रालाई दक्षिण एसियाको
दोस्रो ठूलो रथयात्रा भएको दाबी गरिन्छ ।
११ भदौ २०८१, बुधबार ०६:३५ मा प्रकाशित
