काठमाण्ड,कार्तिक १५
स्पेनमा पछिल्लो ५० वर्षयताकै ठुलो बाढी आएको छ ।
बाढीमा परेर ९५ जनाको ज्यान
गएको छ भने कयौँजना वेपत्ता भएका छन् । पूर्वी प्रान्त भ्यालेन्सिया र त्यसभन्दा
परको क्षेत्रमा ठूलो वर्षा भएपछि आएको बाढीले सयौँ पुल र भवनहरू बगाएको छ । केही
मानिस छत र ठूला रुखमा चढेर बाँच्न सफल भएका छन् । वेपत्ताहरुको सङ्ख्या एकिन छैन, ज्यान जानेको सङ्ख्या निकै धेरै
हुन सक्ने बीबीसीले जनाएको छ ।
स्पेनका राष्ट्रपति पेड्रो
सान्चेजले तीन दिनको राष्ट्रिय शोकको घोषणा गर्नुभएको छ । पीडितले बाढी तीब्र
गतिको सुनामी जस्तै रहेको प्रतिक्रिया दिएका छन् ।
वैज्ञानिकहरूले जलवायु परिवर्तनले
स्पेनमा आएको बाढीलाई अझ खराब बनाएको बताएका छन् । राष्ट्रपति सान्चेजले
नागरिकहरूलाई सतर्क रहन आग्रह गर्दै सम्पूर्ण स्पेन पीडितसँगै रोइरहेको बताउनुभएको
छ । बाढीले कयौँ सडक र सहरलाई नदीमा परिणत गरेको छ ।
