काठमाण्डौं, पौष १५
अमेरिकाका पूर्वराष्ट्रपति जिमी कार्टरको निधन भएको छ।
जर्जियाको प्लेन्सस्थित आफ्नै घरमा पूर्वराष्ट्रपति कार्टरको १०० वर्षको उमेरमा निधन भएको हो। उनी पछिल्लो समय विभिन्न स्वास्थ्य समस्याहरूसँग पनि लडिरहेका थिए।
इसराइल र इजिप्टबीच सन् १९७८ मा क्याम्प डेभिड सम्झौता गर्न मध्यस्तता गरी मध्यपूर्वमा शान्ति स्थापनाका लागि भूमिका खेलेकोमा उनले सन् २००२ मा नोबेल शान्ति पुरस्कार पाएका थिए।
राष्ट्रपतिको जिम्मेवारीबाट बाहिरिएपछि पनि उनले कार्टर सेन्टरको नामबाट नेपालसहित विभिन्न देशहरूमा सामाजिक कामहरू गर्दै आएका थिए।
उनी अमेरिकाका ३९ औं राष्ट्रपति हुन्। उनले सन् १९७७ देखि १९८१ सम्म अमेरिकी राष्ट्रपतिको जिम्मेवारी सम्हालेका थिए।
१४ पुस २०८१, सोमबार ०९:०९ मा प्रकाशित
