काठमाण्डाै , चैत २८
प्रमुख प्रतिपक्ष दल नेपाली कांग्रेस सहित राष्ट्रिय प्रजातन्त्र
पार्टी (राप्रपा) र लोकतान्त्रिक समाजवादी पार्टी (लोसपा) को अवरोधपछि प्रतिनिधि
सभाको आजको बैठक पनि स्थगित भएको छ ।
सांसदहरूको अवरोधपछि प्रतिनिधि
सभाको अर्को बैठक वैशाख २ गते बस्ने भन्दै सभामुख देवराज घिमिरेले संसद्को
कार्यसूचीमा भएका सबै विषय हटाइएको जानकारी दिनुभयो ।
आजकाे बैठक शुरु हुनासाथ कांग्रेसस हितका विपक्षी सांसदहरूले उठेर
विरोध जनाएका थिए । सांसदहरूको विरोधपछि सभामुख घिमिरेले सांसदहरूलाई आकस्मिक समय
उपलब्ध गराउनुभयो । आकस्मिक समयमा बोल्दै कांग्रेस सांसद रामहरि खतिवडाले
गृहमन्त्री लामिछानेले सहकारीको रकम हिनामिना प्रकरणकाे छानबिन रोकेको आरोप
लगाउनुभयो ।
यस्तै राप्रपाका सांसद ज्ञानेन्द्र शाहीले सहकारी समस्याबारे सरकारले
छानबिन नगरेकाले संसदीय छानबिन समिति बनाउनुपर्ने माग गरेको बताउनुभयो । सत्तारूढ
दलका सांसदले पनि सहकारीको छानबिन गर्नुपर्ने र पीडितलाई न्याय दिनुपर्ने माग
गरेका छन् ।
सत्तारूढ दल नेकपा (एकीकृत समाजवादी) का सांसद राजेन्द्रप्रसाद
पाण्डेले भने प्रमुख प्रतिपक्ष दल नेपाली कांग्रेसले माग गरेअनुसारको सहकारी ठगी प्रकरणको छानबिन गर्न संसदीय समिति
नै बनाउन माग गर्नुभयो ।
