काठमाण्डाैं , चैत २९
इस्लाम धर्मावलम्बीहरूले इद उल फित्र (ईद) आज मनाउदै छन । मुसलमान
समुदाय मस्जिदमा भेला भएर सामूहिक रुपमा
आज नमाज पढ्ने प्रचलन छ । नमाज पढिसकेपछि एक आपसमा शुभकामना र आशिर्वाद दिँदै
मिष्ठान्न एवं स्वादिष्ट परिकार खाने र खुवाउने परम्परा छ ।
इदलाई मुस्लिम समुदायले आपसी सद्भाव र
शुभकामना आदानप्रदान गरी हर्षोल्लासका साथ ईद मनाउने गर्दछन् । हिजरी संवतको रमदान
महिनाभर निराहार रोजा अर्थात व्रत बसेका इस्लाम धर्मावलम्बी सौव्वाल महिनाको पहिलो
तारिखमा ईद मनाउँछन् ।
चन्द्रमाको गतिका आधारमा तय गरिने ईद पर्व
रमदान सकिएपछि सुरु हुने र शुक्लपक्षमा पहिलो पटक चन्द्रमा देखिएपछि त्यसको
भोलिपल्ट मनाउने परम्परा छ ।
इद उल फित्र ईदकाे अवसरमा आज सरकारले सार्वजनिक विदा दिएकाे छ ।
२८ चैत २०८०, बिहिबार ०६:२२ मा प्रकाशित
