काठमाण्डाै, पुस २४

बाक्लो कुहिरो तथा शीतलहरका कारण पूर्व–पश्चिम राजमार्ग अवरुद्ध भएको छ ।
शीतलहरका कारण बाटो चिप्लो र हुस्सुले गए राति १ बजेदेखि पुर्व–पश्चिम राजमार्गको पश्चिम नवलपरासीको बर्दघाट–४ खुर्सानी खोला सडक खण्ड अवरुद्ध भएको हो ।
हुस्सु र शीतलहरका कारण बाटो चिप्लो हुँदा यातायात सञ्चालन गर्न कठिनाइ भएको जिल्ला प्रहरी कार्यालय नवलपरासी पश्चिमका सूचना अधिकारी एवं प्रहरी नायब उपरीक्षक डीएसपी रेशम बोहराले बताए ।
बुधबार बिहान ३ बजेदेखि एकतर्फी बाटो खुलाए पनि झिम झिम शीतलहरीको पानीले बाटो चिप्लो भएको कारणले मालबाहक सवारी सञ्चालनमा अझै कठिनाइ रहेको उनले जानकारी दिए ।
 

प्रतिक्रिया

पुरानाम *

इमेल *

प्रतिकृया *

Submit