काठमाण्डाैं , चैत २४
नेकपा एमालेले राष्ट्रिय महाधिवेशन
प्रतिनिधि परिषद्को बैठक आह्वान गरेको छ ।
आगामी वैशाख ८ देखि १० गतेसम्म
परिषद् बैठक आह्वान गरिएको एमाले केन्द्रीय कार्यालयका सचिव डा. भीष्मराज अधिकारीले जानकारी दिए ।बैठकमा महाधिवेशनमा सहभागी दुई
हजार एक सय ५३ जना प्रतिनिधि सहभागी हुनेछन् ।
परिषद् बैठकको तयारी गर्न आज
केन्द्रीय कार्यालयमा बैठक बस्न लागिएको कार्यालयका सचिव डा. अधिकारी जानकारी दिए ।
परिषद् बैठकले केन्द्रीय कमिटी र
केन्द्रीय निकायका तर्फबाट प्रस्तुत प्रतिवेदनमाथि छलफल गरी पारित गर्ने, समग्र कामको समीक्षा गर्ने र आवश्यक निर्देशन दिने गर्दछ ।
२३ चैत २०८०, शनिवार ०१:३४ मा प्रकाशित
