काठमाडौं , फागुन २९
नेपाल हङकङमा जारी त्रिकोणात्मक टि२०आई सिरिजको फाइनलमा प्रवेश गरेको छ । ओपनर कुशल भुर्तेलको उत्कृष्ट प्रदर्शनमा पिएनजीलाई ८५ रनले पराजित गर्दै नेपाल उपाधि भिडन्तमा स्थान पक्का गर्न सफल भएको हो ।
नेपालले प्रस्तुत गरेको १ सय ९९ रनको लक्ष्य पछ्याउने क्रममा पिएनजीले १७ औं ओभरमा अलआउट हुनुअघि १ सय १७ रन मात्र जोड्न सक्यो । मध्यक्रममा हिरी हिरीले २८ तथा ओपनर टोनी उराले १३ र सेसे बाउले २१ रन जोड्नुबाहेक अन्य ब्याटरले खासै चल्न सकेनन् ।
कुशल भुर्तेलले ४ ओभरमा १२
रन खर्चेर ४ विकेट लिए । त्यसअघि पहिलो ब्याटिङको निम्तो पाएको नेपालका लागि ओपनर
कुशल भुर्तेल र सन्दीप जोराले अर्धशतक प्रहार गरे । नेपालले २० ओभरमा ६ विकेट
गुमाएर १ सय ९८ रन जोड्यो ।
पहिलो विकेटका लागि कुशल र
विनोद भण्डारीले ६४ रनको साझेदारी गरे । आठौं ओभरमा विनोद जोन कारिकोको शिकार बने
। क्याचआउट हुनुअघि उनले २२ बलमा २ चौका र १ छक्कासहित २७ रन बनाए ।
लगत्तै अर्को ओभरमा कप्तान
रोहित मात्र १ रन जोड्दै कट बिहाइन्ड भए । नवौं ओभरमा आरिफ शेख पनि ७ बलमा ४ रन
जोड्दै विकेटकिपरबाट समातिए ।
त्यसपछि कुशल र सन्दीप
जोराले ३० बलमा ५० रनको आक्रामक साझेदारी गरे कुशल आउट भएपछि सन्दीप जोराले आक्रमण
सम्हाले । उनले मात्र २१ बलमा आफ्नो दोस्रो टि२०आई अर्धशतक पूरा गरे । सन्दीपले २६
बलमा ५६ रन जोडे । उनले ३ चौका र ३ छक्का प्रहार गरे ।
लोकेश बम ६ बलमा २ छक्कासहित
१४ रन जोड्दै १९ औं ओभरको अन्तिम बलमा रनआउट भए ।
अन्तिम ओभरमा विवेक यादवले ३
छक्का प्रहार गरेपछि नेपाल बलियो स्कोरसम्म पुग्यो । उनी ४ बलमा १९ रन जोड्दै
नटआउट रहे । गुलशन झाले १२ बलमा १ छक्कासहित १५ रन बनाए ।
पिएनजीका असाद भालाले २ तथा
जोन कारिको, नोर्मन भनुआ र नोसेना
पोकानाले १-१ विकेट लिए ।
यस जितले नेपालको २ खेलमा ३
अंक भएको छ । हङकङको १ खेलमा १ तथा पिएनजी अंकविहिन छ ।
आज हुने अन्तिम खेलमा पिएनजी
र हङकङ खेल्नेछन् । उक्त खेलको विजेताले बुधबार हुने फाइनलमा नेपालसँग खेल्नेछ ।
