काठमाण्डौ, कार्तिक २९
डिभिजन वन
कार्यालय धादिङका प्रमुख विष्णुप्रसाद आचार्य र रेञ्जर अनुसुया ढुङ्गाना लगायत अन्य
कर्मचारीसहितको टोली गणेश हिमालको आधार शिविर नजिक फसेको छ । टोलीमा रहेका केही
बिरामी परेका छन् । टोलीमा रहेका ३/४ जना हिजो बेलुका सम्पर्क हुने ठाउँमा
आइपुगेको र अरु १०/११ जना फसेका धादिङका सहायक प्रमुख जिल्ला अधिकारी युवराज
अर्यालले जानकारी दिनुभयो । बिरामी र फसेकाहरूलाई उद्धार गर्न
हिजो गएको नेपाली सेनाको हेलिकप्टर मौसम खराब भएपछि फर्किएको छ । उद्धारका लागि
हेलिकप्टर आज बिहान फेरि जाने र मौसम अनुकुल भएमा उद्धार हुने उहाँले बताउनुभयो ।
पर्या–पर्यटन प्रवर्द्धनको उद्देश्यले धादिङको रुविभ्याली
गाउँपालिका,डिभिजन
वन कार्यालय र पत्रकारको टोली केही दिनदेखि यात्रामा थियो ।
२८ कार्तिक २०८१, बिहिबार ०८:५५ मा प्रकाशित
