काठमाडौं, असार १६
देशभर आंशिक देखि साधारणतया बदली भएको छ ।
कोशी,बागमती र गण्डकी प्रदेशका केही स्थानमा तथा लुम्बिनी
र सुदूरपश्चिम प्रदेशका एक–दुई स्थानमा मेघ गर्जन सहित हल्का देखि मध्यम वर्षा
भइरहेको छ । आज दिउँसो देशभर साधारणतया देखि पूर्णतया बदली रहने जल तथा मौसम
पूर्वानुमान महाशाखाले जनाएको छ ।
कोशी, बागमती, गण्डकी र सुदूरपश्चिम प्रदेशका केही स्थानहरूका साथै
बाँकी प्रदेशका केही स्थानहरुमा मेघ गर्जन सहित हल्का देखि मध्यम वर्षाको सम्भावना
रहेको छ ।
साथै कोशी, बागमती र गण्डकी प्रदेशका केही स्थानहरुमा अनि लुम्बिनी र सुदूरपश्चिम
प्रदेशका एक–दुई स्थानमा भारी वर्षाको पनि सम्भावना रहेको छ ।
आज राती भने कोशी, मधेस, बागमती,
गण्डकी र लुम्बिनी
प्रदेशका धेरै स्थानका साथै देशका बाँकी भू–भागका केही स्थानमा मेघ गर्जन सहित
हल्का देखि मध्यम वर्षाको हुने महाशाखाको अनुमान छ ।
