काठमाडौँ , साउन ५
नेकपा (एमाले)ले प्रधानमन्त्री केपी शर्मा ओलीलाई विश्वासको मत दिन ह्वीप जारी गरेको छ । एमाले संसदीय दलका मुख्य सचेतक महेश बर्तौलाले शनिवार पार्टीका सबै सांसदलाई ‘एसएमएस’ पठाउँदै आइतवार (साउन ६ गते) बस्ने प्रतिनिधिसभाको बैठकमा प्रधानमन्त्री ओलीलाई विश्वासको मत दिन ह्वीप जारी गरेका हुन् ।
‘साउन ६ गते बस्ने
प्रतिनिधिसभाको बैठकमा प्रधानमन्त्रीले विश्वासको मतका लागि प्रस्ताव पेस
गर्ने भएकोले अनिवार्य उपस्थित भई विश्वासको मत माग्ने प्रस्तावको पक्षमा मतदान
गर्नुहुन ह्वीप जारी गरिएको जानकारी गराउँदछु,’ उनले जारी गरेको ह्वीपमा भनिएको छ ।
एमालेका
अध्यक्षसमेत रहेका प्रधानमन्त्री ओलीले संविधानको धारा ७६ (४) बमोजिम विश्वासको मत
लिन लागेका हुन् । दुई वा दुई भन्दा बढी दलको समर्थनमा नियुक्त प्रधानमन्त्रीले ३०
दिनभित्र प्रतिनिधिसभाबाट विश्वासको मत लिनुपर्ने संवैधानिक प्रावधान छ ।
