सुनसरी, जेठ ३
जिल्ला प्रहरी कार्यालय सुनसरीले लागु पदार्थ (गाँजा) सहित एक मानिस र सवारीसाधन पक्राउ गरेको छ । विशेष सुराकीको आधारमा ओसापसारको सूचना पाए पछि प्रहरीले एक्सन लिएको थियो । इलाका प्रहरी कार्यालय साहेबगंजबाट प्रहरी अधिकृतको नेतृत्वमा गएको टोलीले को १ ख७१२३ नम्बरको मिनिट्रकबाट ४५० किलो गाँजा बरामद गरेको जिल्ला प्रहरी कार्यालय सुनसरीले जनाएको छ । गाजाँ सहित भारु १ लाख ५० हजार र नेरु ५२ हजार रुपिया पनि सिट मुनी लुकाइरहेको अवस्थमा फेला परेको हो ।
प्रहरीले ट्रक सहित चालक मकवानपुरका चन्द्रबहादुर पाख्रिन, मोरंगका बलबहादुर लिम्बु, र सुनसरीका अरविन्द पाललाई पक्राउ गरि कानुनी प्रकृया अगाडी बढाएको जिल्ला प्रहरी कार्यालय सुनसरीका प्रवक्ता प्रहरी नायव उपरिक्षक नविनकृष्ण भण्डारीले बताउनु भएको छ ।
२ जेठ २०८१, बिहिबार १०:२० मा प्रकाशित
