रोल्पा, साउन १९
रोल्पामा पहिरोले घर पुरिँदा एक जनाको ज्यान गएको छ भने
एक जना बेपत्ता भएका छन् ।
सुनछहरी गाउँपालिका वडा नम्बर–४ कामी डाँडामा गएराति साढे
नौ बजेतिर गएको पहिराले ६० वर्षकी बसुना सुनार र उहाँकी चार वर्षकी नातिनीलाई घरसँगै
पुरेको थियो ।
खोजी
गर्ने क्रममा बसुनाको शव भेटिएको र उहाँकी नातिनीको खोजी भइरहेको जिल्ला प्रहरी
प्रमुख डीएसपी भरत लामाले जानकारी दिनुभयो । पहिरो जाँदा बसुनाका छोरा र बुहारी घर
बाहिर रहेकाले जोगिएका छन् ।
१८ साउन २०८१, शनिवार ०९:३८ मा प्रकाशित
