काठमाण्डाैं , बैशाख १
उपप्रधानमन्त्री
एवं गृहमन्त्री रवि लामिछानेले नागरिकको सुरक्षामा कुनै पनि सम्झौता नहुने बताएका छन्
।
शनिबार आज विहान नयाँ वर्षको अवसरमा काठमाडौंको
थापाथलीस्थित सडकमा नेपाल प्रहरी, ट्राफिक प्रहरी र सर्वसाधारणसँग नयाँ वर्षको अवसरमा खुशीयाली
साटासाट गर्न पुगेका लामिछानेले जनताका सबै किसिमका गुनासाहरू यथोचित ढंगबाट
समाधान हुने बताएका छन् ।
'राष्ट्रसेवकहरूलाई कहीँ कतै अन्याय
नपरोस्, सेवामा खटिएका सम्पूर्ण प्रहरी
जवानदेखि माथिल्ला अफिसरसम्म कुनै अन्याय नहोस्, कसैमाथि पनि दबाब वा राजनीतिक आग्रह, पूर्वाग्रह नहोस्,' उनले भने ।
कर्मचारीहरू माथि दबाब वा राजनीतिक आग्रह, पूर्वाग्रह बिनै काम गर्ने वातावरण बनाइने गृहमन्त्रीको भनाइ छ ।
गृहमन्त्री
लामिछानेले प्रहरीको मनोबल र सुधारको काम अझ अघि बढाउनका लागि नयाँ वर्षको दिनमा
खुशीयाली साटासाट गर्न आफू सडकमा आएको बताए ।
