काठमाडौं, कार्तिक १३
साफ महिला च्याम्पियनसिप फुटबलको फाइनलका लागि बुधबार बिहान टिकट विक्री खुला गरिने भएको छ।
अनलाइनबाट भइरहेको टिकट खरिद प्रक्रिया एन्फाले रद्द गरेको छ ।
आइतबार साँझ भएको नेपाल र भारतबीचको सेमिफाइनलमा दशरथ रंगशालाको दर्शक क्षमताभन्दा बढि टिकट बिक्री गरेको पाइएपछि अनलाइनबाट भइरहेको टिकट खरिद प्रक्रिया एन्फाले रद्द गरेको हो ।
अब बुधवार  एन्फा आफैँले टिकट बिक्री गर्न लागेको हो । अखिल नेपाल फुटबल संघ-एन्फाले बिहान ८ बजे जावलाखेल मैदान, भद्रकाली आर्मी गेट र सातदोबाटोस्थित एन्फा कम्प्लेक्ससहित तीन ठाउँमा टिकट बिक्री हुने जनाएको छ। एकजनाले अधिकतम २ वटा भीआईपी र ५ वटा साधारण प्यारापिटको टिकट लिन सक्नेछन्।
यसअघि बुकिङ भइसकेका अनलाइन टिकटको पैसा फिर्ता गरिने एन्फाले जनाएको छ।
नेपाल र भारतबीचको सेमिफाइनलमा  खेलमा १५ हजार दर्शक क्षमताको रंगशालामा १९ हजारलाई प्रवेश गराइएको थियो। २ हजारभन्दा बढीले टिकट लिएर पनि खेल हेर्न नपाएको एन्फाले जनाएको छ।

प्रतिक्रिया

पुरानाम *

इमेल *

प्रतिकृया *

Submit