काठमाडौँ, चैत १५
आज बाट यस वर्षको एसईईपरीक्षा सुरु हुँदै छ । २०८०
सालको एसईई पाँच लाख चार हजार ४१४ जना विद्यार्थी सहभागि हुँदैछन् । राष्ट्रिय परीक्षा बोर्डका अनुसार आज
पहिलो दिन अनिवार्य अङ्ग्रेजी विषयको परीक्षा हुने छ ।
परीक्षा बिहान ८ बजेदेखि ११ बजेसम्म सञ्चालन हुनेछ । आउँदो २७
गतेसम्म सञ्चालन हुने परीक्षामा सामुदायिक तथा संस्थागत गरी १० हजार आठ सय छ वटा
विद्यालयका पाँच लाख चार हजार चार सय १४ परीक्षार्थी सहभागी हुँदैछन् ।
देशभर दुईं हजार ६४ वटा परीक्षा
केन्द्र निर्धारण गरिएको छ । सबैभन्दा कम मनाङ र मुस्ताङमा एक÷एक तथा सबैभन्दा बढी काठमाण्डौमा
एक सय २७ वटा परीक्षा केन्द्र छन् । यसवर्षको एसईईमा जापानमा रहेको केन्द्रमा २३
जना सहभागी हुने राष्ट्रिय परीक्षा बोर्डले जनाएको छ ।
२०७६ देखि विद्यालय तह कक्षा १
देखि १२ मा नयाँ पाठ्यक्रम लागू भएसँगै मूल्याङ्कनमा पनि पाठ्यक्रम विकास
केन्द्रले नयाँ ग्रेडिङ प्रणाली लागू गरेको हो ।
