सुदूरपश्चिम र कर्णाली प्रदेशमा गएरातिदेखि वर्षा, पूर्वमा सामान्य मात्र असर

काठमाण्डौ, फागुन १६

सुदूरपश्चिम र कर्णाली प्रदेशमा गएरातिदेखि वर्षा भइरहेको छ । यी प्रदेशका धेरै ठाउँमा मेघ गर्जन र चट्याङसहित हल्कादेखि मध्यम वर्षा भइरहेको जल तथा मौसम पूर्वानुमान महाशाखाले जनाएको छ । बाँकी पहाडी भू–भागका थोरै ठाउँमा पनि हल्का वर्षा भइरहेको छ ।

पछिल्लो १२ घण्टामा बैतडीमा सबैभन्दा धेरै २० दशमलव ६ मिलिमिटर वर्षा मापन भएको छ । यस्तै बाजुरा, डोटी, डडेलधुरालगायतका जिल्लामा पनि वर्षा भएको छ ।

महाशाखाका अनुसार  काठमाण्डौ उपत्यकासहित देशभर अहिले बादल लागेको छ । दिउँसो पछि काठमाण्डौमा पनि पानी पर्ने सम्भावना छ । तर पश्चिममा भन्दा कम पानी पर्ने महाशाखाको भनाइ छ ।

यसले मधेशबाहेकका अरु ठाउँमा प्रभाव परे पनि पूर्वमा सामान्य मात्र असर पर्ने मौसमविदले बताएका छन् ।

प्रतिक्रिया

पुरानाम *

इमेल *

प्रतिकृया *

Submit