काठमाडाैँ, भदौ ३
मौसम
पूर्वानुमान् महाशाखाले आज दिउँसो देशभर बदली भएर सबै प्रदेशका केही ठाउँमा अति
ठूलो पानी पर्ने सम्भावना रहेको जनाएको छ ।
मनसुनी प्रणालीको
प्रभावका कारण अहिले पनि देशका सबैजसो ठाउँमा आंशिकदेखि पूर्ण बदली रहेको छ ।
दिउँसो धेरैजसो ठाउँमा मौसम नखुल्ने महाशाखाको बिहानी बुलेटिनमा उल्लेख छ ।
दिउँसो मधेश
प्रदेशमा तुलनात्मकरुपमा पानी कम पर्ने र बाँकी प्रदेशका धेरैजसो ठाउँमा वर्षा
हुने महाशाखाले जनाएको छ । यस्तै राति भने गण्डकी, कर्णाली, लुम्बिनी र सुदुरपश्चिम प्रदेशका केही ठाउँमा अति ठूलो वर्षा र धेरै ठाउँमा
सामान्य वर्षाको सम्भावना रहेको छ । पछिल्लो १२ घण्टामा देशभर सामान्य वर्षा भएको छ
।
२ भदौ २०८१, सोमबार ०७:२७ मा प्रकाशित
