काठमाडौं, भदाै २३
आज ५८ औँ अन्तर्राष्ट्रिय साक्षरता
दिवस, नेपालमा पनि विभिन्न कार्यक्रम गरी
मनाईंदैछ ।
हरेक वर्ष सेप्टेम्बर ८ तारिखका
दिन साक्षरता दिवस मनाउने गरिन्छ । यस वर्ष ५८ औँ
अन्तर्राष्ट्रिय साक्षरता दिवस ‘बहुभाषिक शिक्षाको प्रवर्धन : पारस्परिक समझदारी र
शान्तिका लागि साक्षरता’ नाराका साथ मनाइँदै छ ।
सरकारले पहिलो पटक २०६५ सालमा अभियानको सुरुवात
गरेको थियो । त्यतिबेला दुई वर्षभित्र निरक्षरता उन्मूलन गर्ने लक्ष्य लिइएको थियो । त्यसपछि हरेक वर्ष अभियान सञ्चालन भइरहेको छ । तथापी लक्ष्य अनुसार उपलब्धि भने छैन ।
सरकारले दुई वर्षभित्र निरक्षरता
उन्मूलन गर्ने गरी सञ्चालन गरेको राष्ट्रिय साक्षरता अभियान १६ वर्ष बित्दा पनि
पूरा भएको छैन ।
२०६५ सालयता हरेक वर्ष अभियान
सञ्चालन हुँदै आएको छ । डेढ दशकमा झन्डै १२ अर्ब रुपैयाँ खर्च भइसकेको छ । शिक्षा
तथा मानव स्रोत विकास केन्द्रकाअनुसार नेपालमा अहिलेसम्म ६४ वटा जिल्ला साक्षर
घोषणा गरिसकिएका छन् । अब १३ वटा जिल्ला घोषणा हुन बाँकी छन् । ती जिल्लासमेत
साक्षर घोषणाको तयारीमा रहेको केन्द्रको अनौपचारिक तथा वैकल्पिक शिक्षा शाखाले जानकारी
दिएको छ ।
बागमती, गण्डकी र कोशीबाहेकका प्रदेश साक्षर घोषणा हुन बाँकी नै
छन् । घोषणा हुन बाँकीमा मधेस प्रदेशका सबै जिल्ला : सप्तरी, सिराहा, धनुषा, महोत्तरी, सर्लाही, रौतहट, बारा, पर्सा रहेका छन्
। त्यस्तै कर्णाली प्रदेशका मुगु जुम्ला, हुम्ला, कालिकोट र डोल्पा रहेका छन् ।
अहिलेसम्म ८५ प्रतिशत जनसङ्ख्या साक्षर भएको उहाँको भनाइ छ ।
