इटहरी,
असोज २
इटहरी उपमहानगरपालिकाले सर्वसाधारण नागरिकलाई आजदेखि ४ वटा
विद्युतीय नगर बस सुरु गरेको छ । सुरुवाती चरण भन्दै आज र भोलि निःशुल्क बस
सञ्चालन गरिएको हो ।
इटहरी उपमहानगरपालिकाका मेयर हेमकर्ण पौडेलले आज नगर बसमा चढेर विभिन्न वडाहरूको अवलोकन गरे ।
पत्रकार सम्मेलन गर्दै नगर बस सञ्चालनमा आउने जानकारी
दिए। विद्युतीय बस सेवा वातावरणमैत्री, सुरक्षित, भरपर्दो, र उपभोक्तामुखी हुने भन्दै
सर्वसाधारण उत्साहित भएको बताए ।
ग्रामीण भेगमा बस्ने जनतालाई सहरसँग जोड्ने उद्देश्यले बस
सञ्चालनमा ल्याएको बताए । तिस वर्ष देखिको इटहरीको सपना आफूले पुरा गरेको मेयर
पौडेलको भनाई थियो । नगर बसलाई ठाउँ ठाउँमा सर्वसाधरणहरुले फुल माला लिएर स्वागत
गरेका थिए।
१ असोज २०८१, बुधबार ०९:३९ मा प्रकाशित
