काठमाडौं
, असोज २५
दसैँ
मान्नका लागि एक सातामा काठमाडौं उपत्यकाबाट १३ लाख मानिस बाहिरिएका छन्। नेपाल
यातायात व्यवसायी राष्ट्रिय महासंघका अनुसार उक्त सङ्ख्या आज सम्मको हो ।
अठार लाख मानिस दसैँ मान्न काठमाडौँ उपत्यकाबाट
बाहिरिने अपेक्षा गरिएकामा बाढीपहिरोका कारण १३ लाखको हाराहारीमा मानिस बाहिरिएका
महासङ्घका अध्यक्ष विजय स्वारले जानकारी दिए।
‘हामीले यस वर्ष दसैँमा १५ देखि १८ लाख मानिस
उपत्यकाबाट बाहिरिने अनुमान गरेका थियौँ’ , उनले भने, ‘तर मुलुकका विभिन्न स्थानमा बाढीपहिरोका कारण सडक
अवरुद्ध भएकाले जोखिम मोलेर पनि १३ लाख बाहिरिएका छन्।’
अघिल्लो वर्षको दसैँमा १८ लाख मानिस काठमाडौँबाट
बाहिरिएका थिए।
२४ असोज २०८१, शुक्रबार ०५:१३ मा प्रकाशित
