जनकपुर, पुस
१२
नेपाल प्रिमियर लिग (एनपिएल) को ट्रफी जानकी मन्दिरमा पुगेको छ । गत
शनिबार सम्पन्न फाइनल खेलमा सुदूरपश्चिम रोयल्सलाई हराउँदै च्याम्पियन बनेको
जनकपुर बोल्ट्स आफ्नो होम टाउनमा ट्रफी घुमाउने क्रममा पहिलो दिन जनकपुरधामको
नगरपरिक्रमा गर्दै जानकी मन्दिरमा पुगेको छ।
शुक्रबार दिउँसो करिब १ बजे
निर्माणाधिन रामजानकी बहुउदेश्यीय रंगशालाबाट निस्केको विजय जुलुश विभिन्न चोक
हुँदै साँझ करिब ६ बजे जानकी मन्दिरमा पुगेको हो।
जनकपुर बोल्ट्स टिमका कप्तान अनिल साहलगायत
टिमका नेपाली खेलाडी र हजारौँको संख्यामा सहभागी समर्थकहरु नगरको विभिन्न चोकमा
घुम्दै मन्दिरमा पुगेका हुन्।
११ पुस २०८१, शुक्रबार ०७:१८ मा प्रकाशित
