धनगढी,कात्तिक ३०

शैल्यशिखर नगरपालिका -६ दार्चुलामा जिप दुर्घटना हुँदा ६ जनाको मृत्यु भएको छ । ७ जना घाइते छन् ।
शैल्यशिखर नगरपालिका -६ काे बकजेबलामा म १ ज ३३८ नम्बरकाे जिप दुर्घटना हुँदा ६ जनाको मृत्यु भएकाे प्रहरीले जनाएको छ ।
सुदूरपश्चिम प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक राजिव बस्नेतले दुर्घटनामा ६ जनाको मृत्यु भएकाे बताए । मृतकको सनाखत हुन बाँकी छ ।
उनकाअनुसार अन्य ७ जना घाइते भएका छन् भने बाँकी यात्रु पनि सवार रहेको हुनसक्ने भएकाले खाेजी भइरहेको छ ।
जिप बिहान ४ बजेतिर दुर्घटनामा परेको हाे ।
प्रहरीकाअनुसार स्थानीय मालिकार्जुन मन्दिरमा लागेको जात्रा हेरेर फर्किने क्रममा दर्शनार्थी बाेकेको जिप दुर्घटनामा परेको हाे ।जिप सडकबाट करीब १०० मिटर तल खसेको छ । दुर्घटनाको कारण भने खुलेको छैन ।

प्रतिक्रिया

पुरानाम *

इमेल *

प्रतिकृया *

Submit