काठमाडाैं, माघ २६
त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख प्रहरी नायब महानिरीक्षक (डिआइजी) अर्जुन चन्दको सरूवा भएको छ।
डिआइजी चन्दकाे प्रहरी प्रधान कार्यालयस्थित प्रदेश समन्वय विभागमा सरूवा भएकाे हाे । उहाँको काज सरूवा भएको हो।
माघ १२ गते विमानस्थलमा अध्यागमन अधिकृत छायाँलाल मोक्तान र विमानस्थलमा जाँचका लागि खटिएका प्रहरीहरूबीच हातपात भएको थियो।
विमानस्थलमा अध्यागमन अधिकृत र प्रहरीबीच भएको हातपातको घटनापछि चन्द असन्तुष्ट भएर राजीनामा दिनुभएकाे थियाे । प्रधान कार्यालय मानव स्रोत विभागले उहाँको राजीनामा फिर्ता गरेको थियो। उहाँलाई १० दिनका लागि बिदामा बस्न भनेको थियो।
२५ माघ २०८०, शुक्रबार ०४:४७ मा प्रकाशित
