काठमाडौं , चैत १५
अमेरिकाको इलिनोइस राज्यमा एक व्यक्तिले चक्कु प्रहार गरी चार जनाको हत्या गरेका छन् । आक्रमणमा परी सात जना घाइते छन् ।
समाचार एजेन्सीका अनुसार एक जना २२ वर्षीय युवकले चक्कु प्रहार गरेका थिए ।चक्कु प्रहारबाट दुई महिला र दुई पुरुषको मृत्यु भएको छ । उनीहरु १५ देखि ६३ वर्ष उमेर समूहका छन् । घाइतेमध्ये एकजनाको अवस्था गम्भीर छ ।
आक्रमण गर्ने व्यक्तिलाई प्रहरीले पक्राउ गरेर अनुसन्धान सुरु गरेको छ ।
१४ चैत २०८०, बिहिबार ०५:१२ मा प्रकाशित
