काठमाडौं, भदौ १५
सर्वोच्च अदालतका लागि प्रस्तावित न्यायाधीश बिनोद शर्माविरुद्ध १० दिने उजुरी आह्वान भएको छ । आज बसेको संसदीय सुनुवाइ विशेष समितिले शर्माविरुद्ध १० दिनको म्याद राखेर उजुरी आह्वान गर्ने निर्णय गरेको हो । ओखलढुंगा घर भएका ६२ वर्षीय शर्मालाई यही भदौ १० गते बसेको न्याय परिषदको बैठकले न्यायाधीश नियुक्तिका लागि सिफारिस गर्ने निर्णय गरेको थियो ।
गत वर्ष भदौमै उहाको नाम सिफारिस भएको भएता पनि त्यतिबेला संसदीय सुनुवाइ हुन नसकेका कारण उहाको न्यायाधीश नियुक्ति प्रक्रिया अघि बढेको थिएन । तर भदौ १० गते बसेको न्यायपरिषद् बैठकले उहालाई पुनः न्यायाधीशमा सिफारिस गरेको थियो ।
अब संसदीय सुनुवाइ प्रक्रिया पूरा भएर समितिले उहोको नाम अनुमोदन गरेपछि नियुक्ति प्रक्रिया अघि बढ्ने छ ।
१४ भदौ २०८०, शुक्रबार १२:१३ मा प्रकाशित
