काठमाण्डौ, असार १४
महेन्द्रनगरबाट बैतडी आउँदै गरेको बसमा
सवार एक यात्रुको मृत्यु भएको छ ।
भारतबाट घर फर्किदै गरेका बैतडीका दशरथचन्द
नगरपालिका–९ तिचौराका ४२ वर्षीय कृष्णानन्द जोशीको बसमै मृत्यु भएको हो । उनी
रोजगारी गरेर भारतबाट घर फर्कदै थिए ।
महेन्द्रनगरबाट बैतडीका लागि छुटेको महाकाली
यातायातको ना ४ ख ६३८४ नम्बरको बसमा जोशी अत्तरियाबाट चढेका थिए ।
जोशी पाटन आइपुग्दा बेहोस भएपछि उपचारका लागि
जिल्ला अस्पताल बैतडी लगिएको थियो । अस्पतालका चिकित्सकले जोशीलाई मृत घोषणा गरेको
जिल्ला प्रहरी कार्यालय बैतडीले जनाएको छ ।
जोशीको मृत्युको कारण खुलेको छैन । बस चालक
जगदीश अवस्थी र सहचालक चन्द्रदेव पाण्डेलाई प्रहरीले नियन्त्रणमा लिएको छ ।
१४ असार २०८१, शुक्रबार ०७:५९ मा प्रकाशित
