काठमाण्डौ,चैत ८
नेपाली राष्ट्रिय फुटबल टोलीले आज सिंगापुरसँग
अन्तर्राष्ट्रिय मैत्रीपूर्ण खेल खेल्दैछ । सिंगापुर नेसनल स्टेडियममा हुने खेल नेपाली
समयअनुसार आज बेलुका सवा ६ बजे शुरू हुनेछ ।
नयाँ प्रशिक्षक म्याट रोस नियुक्त भएपछि नेपालको यो पहिलो
अन्तर्राष्ट्रिय खेल हो । नेपाली टोली किरण चेम्जोङको कप्तानीमा छ । नेपालले ३६
वर्षपछि सिंगापुरसँग फुटबल खेल खेल्न लागेको हो ।
यसअघि पछिल्लो पटक सन् १९८९ मा फिफा विश्वकप छनोटअन्तर्गत
नेपाल र सिंगापुरबीच खेल भएको थियो । नेपाल र सिंगापुरले अहिलेसम्म चार पटक खेल्दा
तीन खेलमा नेपाल पराजित भएको थियो भने एक खेल बराबरी भएको थियो ।
फिफा वरियतामा नेबपालभन्दा सिंगापुर १५ स्थान माथि छ ।
सिंगापुर १६०औं स्थानमा छ भने नेपाल १७५ औं स्थानमा छ ।
६ चैत २०८१, शुक्रबार ०७:३७ मा प्रकाशित
