काठमाडौं । स्थानीय बजारमा मंगलबार सुनको मूल्यमा गिरावट देखिएको छ। नेपाल सुनचाँदी व्यवसायी महासंघका अनुसार सोमबारको तुलनामा सुनको मूल्य प्रतितोला तीन हजार रुपैयाँले घटेको हो।
मंगलबार सुन प्रतितोला दुई लाख ९७ हजार ५०० रुपैयाँमा कारोबार भइरहेको छ। सोमबार छापावाल सुन प्रतितोला तीन लाख ५०० रुपैयाँमा कारोबार भएको थियो।
सुनसँगै चाँदीको मूल्यमा पनि गिरावट आएको छ। सोमबार प्रतितोला पाँच हजार ४५ रुपैयाँ पुगेको चाँदी मंगलबार १०० रुपैयाँले घटेर चार हजार ९४५ रुपैयाँमा कारोबार भइरहेको महासंघले जनाएको छ।
१४ बैशाख २०८३, मङ्गलबार ११:२१ मा प्रकाशित
