सुनसरी ,
फागुन ३०
२४ औँ अन्तर्राष्ट्रिय आमन्त्रण
बुढासुब्बा गोल्ड कप फुटबल प्रतियोगितामा आजबाट सेमिफाइनल चरणका खेलहरू सुरु
हुदैछन ।
धरान रङ्गशालामा आजको पहिलो सेमिफाइनलमा आयोजक धरान फुटबल क्लब र
एन्फा मोरङबिच प्रतिस्पर्धा हुदैछ ।खेल दिउसो सवा तीन बजे सुरु हुनेछ ।
आयोजक धरानले उद्घाटन खेलमा पाहुना टोली युकेएफसी भारतलाई सडेन
डेथमा पराजित गर्दै सेमिफाइनलमा स्थान सुरक्षित गरेको थियो ।
मोरङले पाँच पटकको विजेता नेपाल पुलिस क्लबलाई ३-० गोल अन्तरले
पराजित गर्दै अन्तिम चारमा पुगेको हो ।
आजको विजेताले अन्तिम सेमिफाइनलमा काँकडभिट्टा फुटबल टेनिङ सेन्टर
झापा र न्यु रोड टिम एनआरटीसंग बिहीबार प्रतिस्पर्धा गर्नेछ ।
एनआरटी त्रिभुवन आर्मीलाई २-१ ले पराजित गर्दै सेमिफाइनल पुगेको हो
भने काँकडभिट्टा झापा गोल्ड कप च्याम्पियन चर्च ब्वाइज युनाइटेडलाई १-० ले पराजित
गर्दै अन्तिम चारमा पुगेको हो ।
चैत ३ गते हुने फाइनल विजेताले उपाधिसँगै १० लाख रुपैयाँ तथा
उपविजेताले ५ लाख रुपैयाँ पुरस्कार प्राप्त गर्ने छन् ।
