काठमाडाैं, जेठ २३
मधेशका मुख्यमन्त्री सरोजकुमार यादव पदमुक्त हुनु भएकाे छ । मुख्यमन्त्री यादव विश्वासको मत लिन असफल हुनु भएकाे हाे ।
प्रदेश सभामा बहुमत सांसदले उहाँको विपक्षमा मतदान गरेका छन्। मधेस प्रदेशमा अहिले १०६ जना सांसद छन्।
यसमध्ये आजको प्रदेश सभा बैठकमा १०३ जना उपस्थित थिए।
मुख्यमन्त्री यादवको पक्षमा ५० जना र विपक्षमा ५३ जना सांसदले मतदान गरेका थिए।
मधेस प्रदेश सभा बहुमतका लागि कम्तीमा ५४ जना सांसदको समर्थन आवश्यक छ।
२२ जेठ २०८१, बुधबार ०८:४९ मा प्रकाशित
