काठमाण्डौ, असोज २२
सुदूरपश्चिम प्रदेश सरकारले इजरायलमा मृत्यु भएका नेपालीका परिवारलाई राहत दिने भएको छ।
हमासको आक्रमणबाट इजरायलमा १० जना नेपाली विद्यार्थीको मृत्यु भएको थियो। हमासको आक्रमणमा परेर ७ जना सुदूरपश्चिमका विद्यार्थीको निधन भएको छ। केही विद्यार्थी अझै सम्पर्कविहीन छन्। केही घाइते अवस्थामा छन्।
मुख्यमन्त्री कमलबहादुर शाहले आक्रमणमा परेर निधन भएका प्रति परिवारलाई २ लाख रुपैँया राहत सहयोग गरिने बताए।
आज विज्ञप्ति जारी गर्दै मुख्यमन्त्री शाहले घटनाप्रति दुस्ख व्यक्त गर्दै मृतकका परिवारलाई राहत उपलब्ध गराउने घोषणा गरेका हुन्।
मुख्यमन्त्री शाहले खोजी र उद्धार तथा शव स्वदेश ल्याउन केन्द्र सरकारको ध्यानाकर्षण पनि गराएका छन्।
२१ असोज २०८०, सोमबार ०१:४४ मा प्रकाशित
